Dr Zibälämärit lütet dr Winter ii ...
Nachemne prächtige Summer mit Quadrilliarde vo Sunnestunde...
...meint dr Spätherbscht, är seigi scho dr Winter...
Wie fasch all Jahr, hetts ou hüür churz vorem Zibälämärit ds erscht mal ächly schnee gäh...
... wobi mit ächly eher ächly sehr, sehr viel Schnee gmeint isch...
D Frou Holle hett ihri Chüssi tüchtig gschüttlet und alles lahm gleit;
Tram, Bösse u Züg si im Schnee blibe stecke, d Outo hei sich i kilometer länge Kollonne gschtouet
und ou uf schuehsters Rappe hett mä gueti Profilsohle bruucht.
...wed vor lutter Schnee nümm zur Tür use chunnsch, de figsch unger "KRACHIMTRAM.CH" geng öbbis ds schneugge...
CDs Standbei und Kasifuetter chasch uf so ziemlich
allne Streaming - Plattforme lose:
Güggu, Bärner Troubadour
Für Rückmäldige, Arrangement, Aaregigä oder eifach äs Grüessli schicke...
=> wed ds Publikum stimmt, machts allne Spass... <=
Dr erscht Schnee im Spätherbscht 2024:
I gloube d Frou Holle het äs grosses Familiäträffe gha:
Innert wenige Stunde isch ganz Bärn unger änere dicke Schneedechi begrabe worde...
Chräsmet d Winterstifle u dr dick Wulepulli füre!
Ufem folgende Video gsehsch Iidrück, ungermalt vomene passende Güggu-Liäd:
Viel Spass bim driluege / -lose!
Kurzdokumentarfilm vom Maurice Busch
Mit sim Erschtling het dr Maurice Busch än ussagechräftäge Doku gschaffet, wo grossi Wälle schlaht.
Vieli Hingergründ us mim Läbe wärde iidrücklich festghalte und dürlüüchtet. I gratuliäre ihm für das glungne Wärk.
Dä Giel het Pfupf im Füdlä!
U ging gäng nid ds lang studiere, sondern gad sofort Beidi Kanäl abonnemiere u Düüme ufe!
krachimtram = Krach im Tram ? => entscheid sälber
Aus Troubadour ghören i anere zwar chliine, aber eher symphatische Bruefsgattig aa.
Mit chley Humor isch o dr Websyte Titel ds verstah:
Gwüss gits ä Minderheit, wo mini Ungerhaltig als "KRACH" betitlet...
Vor überwiägende Mehrheit wird mis Schaffe zum Glück nid nur toleriert. ..
Mi freuts, dass vieli mini Ungerhaltig schätzte oder sogar als wichtig empfinde.
Eehmm... Wiä heisst jetzt scho wyder: ...Krach... im ... ö.V..? ... im Bus...? uf dr Pläfä...? ...Oder öbbe ... Krach unger dä Loubene...?
... aah jaah, jetz weiss is wyder: krachimtram, KRACHIMTRAM, K R A C H I M T R A M...!
... und unbewusst chasch dir nachem Nachegrüble dr Websyte Titel besser iipräge... Claro?
Dr Güggu:
- ä wöschächte Bärner
- ä Troubadour
- ä Liedermacher
- bimäne Haar äs scho fasch legendärs Stadtoriginal...
Sit ämene guete Viertel Jahrhundert gibi für all miner Mitbärner alles...
Im Name vo minerä sälbsternannte, absolut inoffizielle Kommission für die hochoffizielli Churzwiligkeitsstimmigs Optimierig bieten i syt zwüschezytlech fasch amene Vierteljahrhundert Ungerhaltig i dä Fahrzüüg vo dr BärnMobil aa. Teuf im Härz füehli mi beruefe all mine Mitbärner ä Teil biizstüüre für nä erläbnisriichi Heifahrt. As söll am Stimmigsbarometer schier dr Saft usem Kapillarglesli usetätsche.
Inspiriert vo vielne Mundartkünschtler, allne vora vom Mani Matter, hani mi dr Bärndüsche Sprach verschribe: D Sprach vo üsne Vorfahre söll mit all ihrne wunderschöne Usdrück läbendig blibe und im Alltag bestah. Mit verspielt gstaltete Liedertexte und eifache Melodiefüehrige sölle Lieder zum mitsinge iilade.
Ä Melodie im Ohr
Dr Firabe ghört eidütig zu dä schönschte Abschnitte vom Tag.
Mit änere Fahrt im Tram, im Bus oder im Zug starte die meischte Bärner dä viumals lang ersehnt wichtig Tagesabschnitt.
Seigs ufem Wäg is gmüetleche heimelige Stübli, ob Richtig Spunte zum gmeinsame Häbe u Schütte vomene Chüehle mit Fründe, oder wo haut ou immer dasses nachem Bügu äso häre geit zum ga umenang scharwänzle...
Ä öbbisem sölls gwüss nie mangle: Ä fröhlechi Melodie im Ohr. Dasch ds Tüpfli ufem i, das laht dr grau Alltag la Farb strahle...
Genau das isches, woni minere Zuehörerschaft gärn aabiete.
S isch geng schön ds gseh, we usemene müede Lätsch äs wohlgstimmts Grinse wird. Die Dankbarkeit wo das usstrahlt git mir ä chräftige Puuscht u dr nötig Schnuuf. Äs isch äs Gäh und äs Näh: keh Musig ohni Zuehörer!
A dere Stell möcht i mi zuteufscht bedankä bi:
- Allne ufmerksame Zuehörer...
- Allne, wo dr Wääg gäbnet hei...
- jedem Mundartischt, ajede hett mi mit sim Schaffe mitprägt...
Musig lose
Vo mir gits zwöi CDs: „Standbei“, 2021, hiä cheut dir Uszüg drus lose, jewils mit änere Dia-Show ungerleit… Troubadour-Lieder mit Blues-Rockiger Western-Gitarre ungermalt.
Di chley älteri CD "Kasifuetter", 2009, isch voll vo Troubadour-Lieder, punkig, fräch und alltags bezoge... mit klassischer Gitarre iigspielt.
Du chasch beidi CDs uf so ziemlich allne streaming-Kanäl lose oder abelade.
Güggu - Standbei - 2021
D Ohre spitze, äs Bildli aacklicke und los geit d Güggu-Party...!
Wär si CD-Player no nid iigmottet het, cha beidi CDs nach wie vor i analoger Form diräkt bi mir erstah.
Güggu - Kasifuetter - 2009
VIEL VERGNÜEGE!!!
...Und natürlech freue i mi wyterhin uf jedesmal, wenn ig euch im ö.V. triffe, won ig euer Ohre 100% live cha vollsülze...
Youtube
Hiä ä chliine Usschnitt us mim Musiker Alltag. Eifach uf d Bildli drücke, de wirsch verlinkt... Viel Spass!
Fusunase Aska
Während änere Minütige Ändlosschloufe vom Fusunase Lied hets d Aska furchtbar pressant, ufem Beschte Wäg zum Youtube Star...
Strassenmusikant Güggu
Ds Atelier 101 het für Weggli TV ä Doku "bachet": näbscht ämene Bricht übere miner Tätigkeite isch hiä dr legendär Minnekläffer Uftritt vom Lothar verewigt...
Güggu - Bärner Musig im rote Tram
Jööh - isch d Aska äs härzigs Wälpli gsi... Drü Bärner Gymeler hei für ihri Facharbeit inere liebevolle Doku ä huufe Live Musig im ö.V drigschnitte...
Tik Tok
Bi TIKTOK fingt mä glägentlich di einti oder anderi amüsanti Sequenz...
Singe mit Fratzeweschte
Bankäskandal: Ciao, ciao bella C.S...
Entlang vode Gleis
Wir benötigen Ihre Zustimmung zum Laden der Übersetzungen
Wir nutzen einen Drittanbieter-Service, um den Inhalt der Website zu übersetzen, der möglicherweise Daten über Ihre Aktivitäten sammelt. Bitte überprüfen Sie die Details in der Datenschutzerklärung und akzeptieren Sie den Dienst, um die Übersetzungen zu sehen.